സിവിൽ സർവീസ് പരീക്ഷ: വിജയരഹസ്യങ്ങൾ പങ്കുവയ്ക്കാൻ ബി.എസ്.അഖില

തിരുവനന്തപുരം ∙ സിവിൽ സർവീസ് പരീക്ഷ വിജയികളുമായി ആശയ വിനിമയത്തിന് അവസരമൊരുക്കി മലയാള മനോരമ സംഘടിപ്പിക്കുന്ന ഫോൺ ഇൻ പരിപാടിയിൽ ഇന്ന് അതിഥിയായി എത്തുന്നത് ഏവർക്കും പ്രചോദാത്മകമായ നേട്ടം കൊയ്ത വാമനപുരം  സ്വദേശി ബി.എസ്.അഖില. ചെറുപ്പത്തിൽ വാഹനാപകടത്തിൽ ഒരു കൈ നഷ്ടപ്പെട്ട അഖില അസാമാന്യമായ ആത്മ വിശ്വാസവും നിശ്ചയദാർഢ്യവും  കൈമുതലാക്കിയാണ് സിവിൽ സർവീസ് വരെയുള്ള ഓരോ നേട്ടങ്ങളും എത്തിപ്പിടിച്ചത്. സിവിൽ സർവീസ് പരീക്ഷയുമായി ബന്ധപ്പെട്ട സംശയങ്ങളും തയാറെടുപ്പുകളെക്കുറിച്ചും അഖിലയോട് ചോദിച്ചറിയാം.ഫോൺ: 0471- 2328388, സമയം: ഇന്ന് രാവിലെ 11 മുതൽ 12.30 വരെ(മനോരമയുടെ മറ്റു ഫോൺ നമ്പറുകളിലൂടെ ഈ പരിപാടിയിൽ പങ്കെടുക്കാനാകില്ല)