ധനുവച്ചപുരം ∙ ‘ജനറേറ്റീവ് എഐയും ഭാവി വിദ്യാഭ്യാസവും’ എന്ന വിഷയത്തിൽ ഈ മാസം 30 ന് ഉന്നത വിദ്യാഭ്യാസ വകുപ്പും ഐഎച്ച്ആർഡിയും സംഘടിപ്പിക്കുന്ന ദ്വിദിന രാജ്യാന്തര കോൺക്ലേവിന് മുന്നോടിയായി ‘നിർമിതബുദ്ധിയും ഉപയോഗവും’ എന്ന വിഷയത്തിൽ ധനുവച്ചപുരം കോളജ് ഓഫ് അപ്ലൈഡ് സയൻസ് സംഘടിപ്പിച്ച സെമിനാർ സി.കെ.ഹരീന്ദ്രൻ എംഎൽഎ ഉദ്ഘാടനം ചെയ്തു. കൊല്ലയിൽ ഗ്രാമപഞ്ചായത്ത് ഹാളിൽ നടന്ന ചടങ്ങിൽ കോളജ് പ്രി‍ൻസിപ്പൽ കെ.സിന്ധു അധ്യക്ഷത വഹിച്ചു. ‘ജനറേറ്റീവ് എഐ’ എന്ന വിഷയത്തിൽ എസ്‌സിടി കോളജ് ഓഫ് എൻജിനീയറിങ് പ്രഫസർ ഡോ.സുബു സുരേന്ദ്രനും ‘റെസ്പോൺസിബിൾ എഐ’ എന്ന വിഷയത്തിൽ കോളജ് ഓഫ് അപ്ലൈഡ് സയൻസ് അധ്യാപകൻ ജെയ്സൺ ഡി.ജോസഫും ക്ലാസുകൾ നയിച്ചു.