കടയിൽ എത്തിയ ആളിനെ ആക്രമിച്ച കേസിൽ രണ്ടു പേർ അറസ്റ്റിൽ

തിരുവനന്തപുരം∙ കടയിൽ സാധനം വാങ്ങാൻ എത്തിയ ആളിനെ ആക്രമിച്ചു പരുക്കേൽപ്പിച്ച കേസിൽ രണ്ടുപേരെ പൊലീസ് പിടികൂടി. വട്ടിയൂർക്കാവ് ചരുവിളപുത്തൻവീട്ടിൽ അഭിലാഷ് (30), വള്ളക്കടവ് സ്വദേശി സാബു പ്രകാശ് എന്നിവരെയാണ് ഫോർട്ട് പൊലീസ് അറസ്റ്റ് ചെയ്തത്. ഫോർട്ടിൽ ഇന്ന് പുലർച്ചെ സാധനം വാങ്ങാൻ എത്തിയ കരിക്കകം വായന ശാലയ്ക്ക് സമീപം ഗോവർധനം വീട്ടിൽ ഷാറൂണിനെ തടഞ്ഞു നിർത്തി മർദ്ദിക്കുകയും കത്തി കൊണ്ട് കയ്യിൽ കുത്തിപരുക്കേൽപ്പിച്ചെന്നും ആണ് കേസ്.  പ്രതികൾക്ക് എതിരെ ഫോർട്ട്‌,വഞ്ചിയുർ,വട്ടിയുർക്കാവ് പൊലീസ് സ്റ്റേഷനുകളിലായി ഒട്ടേറെ കേസുകൾ നിലവിലുണ്ടെന്ന്  പൊലീസ് പറഞ്ഞു.