ശനിയാഴ്ചയും ഡ്രൈവിങ് ടെസ്റ്റിന് തുടക്കം

തിരുവനന്തപുരം ∙ ഡ്രൈവിങ് ലൈസൻസ് ടെസ്റ്റ് ശനിയാഴ്ചയും നടത്തുമെന്ന ഗതാഗതമന്ത്രിയുടെ പ്രഖ്യാപനത്തിനു ശേഷമുള്ള ആദ്യ ശനിയാഴ്ച 29 കേന്ദ്രങ്ങളിൽ ടെസ്റ്റ് നടന്നു. തിരുവനന്തപുരം ജില്ലയിൽ 2 കേന്ദ്രങ്ങളിലായി 80, കൊല്ലത്ത് 4 കേന്ദ്രങ്ങളിൽ 187, ആലപ്പുഴയിൽ 23, കോട്ടയത്ത് 3 കേന്ദ്രങ്ങളിൽ 120, ഇടുക്കിയിൽ 22, തൃശൂരിൽ 4 കേന്ദ്രങ്ങളിൽ 203, കോഴിക്കോട് 4 കേന്ദ്രങ്ങളിൽ 296, മലപ്പുറത്ത് 4 കേന്ദ്രങ്ങളിൽ 218, കണ്ണൂരിൽ 5 കേന്ദ്രങ്ങളിൽ 364, കാസർകോട് 35 വീതം ടെസ്റ്റുകളാണ് നടന്നത്.