ADVERTISEMENT

തിരുവനന്തപുരം∙ ‘കഥകളിക്ക് ഒരാളെ മത്സരിപ്പിക്കുന്നതിന് ഏകദേശം 3 ലക്ഷം രൂപ വേണം. രണ്ടാളെ എങ്ങനെ മത്സരിപ്പിക്കും’ – വീട്ടിലെ കഥകളിച്ചർച്ചയ്ക്കു പരിഹാരം കണ്ടെത്തിയതു സാധികയാണ്. ജ്യേഷ്ഠൻ സാരംഗ് ഇത്തവണ മത്സരിക്കട്ടെ, താൻ അടുത്ത വർഷം മത്സരിച്ചോളാം എന്നു പ്രഖ്യാപിച്ചു സ്വയം പിന്മാറി. എച്ച്എസ്എസ് വിഭാഗം കഥകളി സിംഗിൾ ഇനത്തിൽ എ ഗ്രേഡ് നേടിയെന്നറിഞ്ഞപ്പോൾ സാരംഗ് അമ്പാടി ആദ്യം സന്തോഷം പങ്കുവച്ചത് അനിയത്തി സാധികയ്ക്കൊപ്പമാണ്. 

കൊല്ലം ഓടനാവട്ടം കെആർജിപിഎം എച്ച്എസ്എസിലെ പ്ലസ് വൺ വിദ്യാർഥിയാണ് സാരംഗ്. 6 വർഷമായി കഥകളി പഠിക്കുന്നു. സാധികയും 2 വർഷമായി കഥകളി പരിശീലിക്കുന്നുണ്ട്. ഓട്ടൻതുള്ളലിൽ ജില്ലാ തലത്തിൽ മത്സരിച്ചിരുന്നു. അവസരം ജ്യേഷ്ഠനു വിട്ടുനൽകിയതിൽ വിഷമം ഇല്ലെന്നാണു സാധിക പ്രതികരിച്ചത്. കൂടുതൽ തയാറെടുപ്പുകളോടെ അടുത്ത വർഷം കഥകളിയിൽ മത്സരിക്കുമെന്നും സാധിക പറയുന്നു. സാരംഗ് ഇന്ന് ഓട്ടൻതുള്ളലിൽ മത്സരിക്കും. അനിൽ കുമാർ – രേഖ മണി ദമ്പതികളുടെ മക്കളാണ് ഇരുവരും.

English Summary:

Kathakali competition showcases sibling unity. Saadhika, a talented Kathakali dancer, selflessly withdraws to support her brother Sarang's participation, highlighting the spirit of sportsmanship and family support in the art form.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com