കഴക്കൂട്ടം മുതൽ മുക്കോല വരെയുള്ള ബൈപാസ് ഡിവൈഡറുകളുടെ ഉയരം കൂട്ടുന്നു

കോവളം ∙ ബൈപാസിന്റെ കഴക്കൂട്ടം മുതൽ മുക്കോല വരെയുള്ള റോഡ് വൈകാതെ റീ–ടാറിങ് നടത്തുമെന്നു സൂചന. ഇതിന്റെ ഭാഗമായി ഡിവൈഡറുകളുടെ ഉയരം കൂട്ടുന്ന ജോലിക്കു തുടക്കമായി. 5 വർഷം മുൻപാണ് ഈ പാതയുടെ ടാറിങ് നടന്നത്. മുക്കോല മുതൽ കാരോട് വരെയുള്ള റോഡ് കോൺക്രീറ്റ് നിർമിതമാണ്.  പാത മുറിച്ചു കടക്കുന്നവർ അപകടത്തിൽപ്പെടുന്നതു പതിവായ സാഹചര്യത്തിൽ കാൽനടയാത്രികരുടെ സുരക്ഷ മുൻനിർത്തി മീഡിയനുകളിൽ ബാരിക്കേഡുകൾ സ്ഥാപിച്ചു.    റോഡിനോട് ചേർന്ന ഉയർന്ന ഭാഗങ്ങളിൽ ക്രാഷ് ഗാർഡുകൾ സ്ഥാപിച്ചിട്ടുണ്ട്.