കുടിക്കണോ, പൈപ്പിലൂടെ എത്തും മലിനജലം

വെങ്കിടങ്ങ് ∙ പഞ്ചായത്തിൽ ജല അതോറിറ്റി പൊതുടാപ്പുകൾ വഴി വിതരണം ചെയ്യുന്ന വെള്ളം മലിനമെന്ന് പരാതി. കണ്ണോത്ത് നാട്ടുകല്ല് സംഭരണിയിൽ നിന്നു വിതരണം ചെയ്യുന്ന വെള്ളമാണ് മലിനം. വെള്ളത്തിന് കടുംമഞ്ഞ നിറമാണ്.

ഏറെ ദിവസങ്ങളായി ഇത്തരത്തിലുള്ള വെള്ളമാണ് ലഭിക്കുന്നതെന്ന് നാട്ടുകാർ പറഞ്ഞു. സംഭരണി വൃത്തിയാക്കണമെന്നും ശുദ്ധമായ വെള്ളം വിതരണം ചെയ്യാൻ നടപടി വേണമെന്നും നാട്ടുകാർ ആവശ്യപ്പെട്ടു.