തൃശൂർ ∙ കാലവർഷത്തിൽ പ്രളയമോ അപകടങ്ങളോ ഉണ്ടായാൽ ജനങ്ങളുടെ രക്ഷ ഉറപ്പു വരുത്തുന്നതിനു കോർപറേഷന്റെ നേതൃത്വത്തിലുള്ള റെസ്ക്യു ടീം സജ്ജമായി. റെസ്ക്യു ടീം അംഗങ്ങൾക്ക് അഗ്നിരക്ഷാ ഉദ്യോഗസ്ഥരുടെ നേതൃത്വത്തിൽ പരിശീലനം നൽകി.
കൗൺസിലർ എ.ആർ.രാഹുൽ നാഥന്റെ നേതൃത്വത്തിലുള്ള രക്ഷാ സംഘത്തെ മേയർ, ഡപ്യൂട്ടി മേയർ രാജശ്രീ ഗോപൻ, കൗൺസിലർ രേഷ്മ ഹേമേജ്, എക്സിക്യൂട്ടീവ് എൻജിനീയർ രാജ്, അസിസ്റ്റന്റ് എൻജിനീയർ എൽദോ, ഓവർസീയർ ദീപക് എന്നിവർ വിലയിരുത്തി. മഴക്കാല പൂർവ ശുചീകരണം 31ന് മുൻപ് പൂർത്തീകരിക്കുമെന്നു മേയർ എം.കെ. വർഗീസ് അറിയിച്ചു.
