വൻമരങ്ങൾ വീഴുമ്പോൾ..; പാതയോരത്തു നിൽക്കുന്ന മരങ്ങൾ അപകടഭീഷണി

ചേർപ്പ്∙ മുത്തുള്ളിയാൽ മുതൽ ഇഞ്ചമുടി തേവർറോഡ് വരെ പാതയോരത്തു നിൽക്കുന്ന വൻമരങ്ങൾ അപകടഭീഷണിയായി. വേരു പുറത്തായി നിൽക്കുന്ന മരങ്ങളും ചിതലെടുത്ത് ഇത്തിൾക്കണ്ണി വളർന്നു നിൽക്കുന്ന വലിയ കൊമ്പുകളും റോഡിലേക്ക് കടപുഴകിയും ഒടിഞ്ഞും വീഴുന്നത് പതിവാണ്. 9 തിങ്കൾ രാത്രി ഇഞ്ചമുടി പെട്രോൾ പമ്പിനു സമീപം മാവിന്റെ കൊമ്പ് റോഡിലേക്ക് വീണിരുന്നു.

ഈ സമയം വാഹനങ്ങൾ ഇല്ലാതിരുന്നതിനാലാണ് അപകടം ഒഴിവായത്. അഗ്നിരക്ഷാ സേന സ്ഥലത്തെത്തി കൊമ്പുകൾ വെട്ടിമാറ്റുന്നതു വരെ മണിക്കൂറോളം സംസ്ഥാന പാതയിൽ ഗതാഗതം തടസ്സപ്പെടുകയും ചെയ്തു. അധികൃതർ പരാതികൾ അവഗണിക്കുകയാണെന്ന് നാട്ടുകാർ പരാതിപ്പെടുന്നു.