കുളിക്കുന്നതിനിടെ തലയിടിച്ചു വീണ് വിദ്യാർഥി മരിച്ചു

തൃശൂർ ∙ പത്താം ക്ലാസ് പരീക്ഷയെഴുതി ഫലം കാത്തിരുന്ന വിദ്യാർഥി കുളിക്കുന്നതിനിടെ പടവിൽ തലയിടിച്ചു വീണു മരിച്ചു. വടൂക്കര പാലക്കൊടി വിനോദിന്റെ മകൻ പി.വി. അനിൽ കൃഷ്ണ (16) ആണു മരിച്ചത്. നെടുപുഴ ആറാട്ടുകടവ് ദുർഗാദേവി ക്ഷേത്രക്കുളത്തിൽ കൂട്ടുകാർക്കൊപ്പം കുളിക്കുന്നതിനിടെ ഇന്നലെ വൈകിട്ട് 5.30ന് ആയിരുന്നു അപകടം. ഉടൻ തന്നെ കൂർക്കഞ്ചേരിയിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. തൃശൂർ കാൽഡിയൻ സ്കൂളിലെ വിദ്യാർഥിയാണ്. അമ്മ: നിഖിത. സഹോദരങ്ങൾ: അമൽ കൃഷ്ണ, അമൃത് കൃഷ്ണ.

സ്കൂളിന് അവധി

തൃശൂർ ∙പി.വി. അനിൽകൃഷ്ണയുടെ നിര്യാണത്തെ തുടർന്ന് തൃശൂർ കാൽഡിയൻ സിറിയൻ ഹയർ സെക്കൻഡറി സ്കൂളിനു ഇന്ന് അവധിയായിരിക്കുമെന്നു പ്രിൻസിപ്പൽ അറിയിച്ചു.