തൃശൂർ ജില്ലയിൽ ഇന്ന്(30–6–2022); അറിയാൻ, ഓർക്കാൻ

ഗതാഗത നിയന്ത്രണം 

കൊടകര∙  സിഎംഎൽ ആർആർപി തേശേരി ബ്രാഞ്ച് കനാൽ റോഡിന്റെ  നവീകരണം നടക്കുന്നതിനാൽ  പുത്തുകാവ് ബ്രാഞ്ച് കനാലിന് ഇരുവശത്തുള്ള എൻഎച്ച് തേശേരി റോഡിൽ  ഗതാഗത നിയന്ത്രണമുണ്ടാകുമെന്നു അധികൃതർ  അറിയിച്ചു.

അധ്യാപക ഒഴിവ്

എറിയാട് ∙ കേരളവർമ ഗവ. ഹയർ സെക്കൻഡറി സ്കൂളിൽ സുവോളജി, അറബിക്, വിഷയങ്ങളിൽ അധ്യാപക ഒഴിവുണ്ട്. കൂടിക്കാഴ്ച 4ന് 11 ന്.

ഇരിങ്ങാലക്കുട ∙ ഗവ. മോഡൽ ബോയ്സ് ഹയർ സെക്കൻഡറി സ്കൂളിൽ ഫിസിക്സ് (ജൂനിയർ), പൊളിറ്റിക്കൽസയൻസ് (സീനിയർ), കംപ്യൂട്ടർ ആപ്ലിക്കേഷൻ(സീനിയർ) എന്നീ വിഷയങ്ങളിൽ അധ്യാപക ഒഴിവ്. കൂടിക്കാഴ്ച നാളെ രാവിലെ 11ന്.

ഇരിങ്ങാലക്കുട ∙ അവിട്ടത്തൂർ എൽബിഎസ്എം ഹയർ സെക്കൻഡറി സ്കൂളിൽ സൈക്കോളജി (ജൂനിയർ) അധ്യാപക ഒഴിവ്. കൂടിക്കാഴ്ച 4ന് വൈകിട്ട് 3ന്. ഫോൺ: 95442 91550.

വിമല കോളജിൽ കോഴ്സുകൾ

തൃശൂർ ∙ വിമല കോളജിൽ (ഓട്ടോണമസ്) 19 ബിരുദ കോഴ്സുകളിലേക്കും 16 ബിരുദാനന്തര ബിരുദ കോഴ്സുകളിലേക്കും അപേക്ഷ ക്ഷണിച്ചു. www.vimalacollege.edu.in. 0487-2332080.

വില്ലേജ് ഓഫിസ് മാറ്റി  

കയ്പമംഗലം ∙  ദേശീയപാത വികസനത്തിന്റെ ഭാഗമായി കയ്പമംഗലം വില്ലേജ് ഓഫിസ്  പ്രവർത്തനംകാളമുറി-ചളിങ്ങാട് റോഡിൽ കാളമുറി സെന്ററിന് കിഴക്ക് ഭാഗത്തുള്ളസ്വകാര്യ കെട്ടിടത്തിലേക്ക് മാറ്റി. പനമ്പിക്കുന്നിൽ നിലവിലുണ്ടായിരുന്ന കെട്ടിടം പൊളിച്ച് പുതിയത് പണിയുന്നത് വരെ ഈ കെട്ടിടത്തിലായിരിക്കും പ്രവർത്തനമെന്നു വില്ലേജ് ഓഫിസർ അറിയിച്ചു.