റോഡ് നിർമാണ കമ്പനിയുടെ നാലര ലക്ഷം രൂപയുടെ സാമഗ്രികൾ മോഷ്ടിച്ചു വിറ്റു; അറസ്റ്റ്

പഴയന്നൂർ ∙ റോഡ് നിർമാണ കമ്പനിയുടെ സാമഗ്രികൾ മോഷ്ടിച്ചു വിറ്റ പുത്തിരിത്തറ പന്നിക്കുഴിയിൽ രമേഷ് (46), പെരുവമ്പാറ തൃത്താലപ്പടി ജയൻ (39) എന്നിവരെ എസ്എച്ച്ഒ കെ.എ. ഫക്രുദ്ദീൻ അറസ്റ്റ് ചെയ്തു. വാഴക്കോട്-പ്ലാഴി റോഡ് പുനർ നിർമാണത്തിന്റെ ഭാഗമായി പുത്തിരിത്തറ റോഡ് ജംക്‌ഷനു സമീപത്തെ കലുങ്കു പണിക്കായി ഈ മാസം 13ന് എത്തിച്ച ജാക്കികൾ, പൈപ്പുകൾ, കമ്പികൾ തുടങ്ങിയവയാണു മോഷ്ടിച്ചത്. ഇവ ടൗണിലെ ആക്രിക്കടയി‍ൽ നിന്നു പൊലീസ് കണ്ടെടുത്തു. നാലര ലക്ഷത്തോളം രൂപയുടെ സാമഗ്രികൾ നഷ്ടപ്പെട്ടതായി നിർമാണ കമ്പനി പ്രതിനിധികൾ പറഞ്ഞു.