തൃശ്ശൂർ ജില്ലയിൽ ഇന്ന് (01-12-2022); അറിയാൻ, ഓർക്കാൻ

ഓവർസീയർ

പഴയന്നൂർ ∙ പഞ്ചായത്ത് എൽഎസ്ജിഡി വിഭാഗത്തിൽ സെക്കൻഡ് ഗ്രേഡ് ഓവർസീയറുടെ ഒഴിവ്. ബിടെക് (സിവിൽ) പാസായ 2 വർഷത്തെ പ്രവ‍ൃത്തി പരിചയമുള്ളവർ 14ന് 3 മണിക്കു മുമ്പ് അപേക്ഷിക്കണം. വിശദ വിവരങ്ങൾക്ക് എൽഎസ്ജിഡി ഓഫിസുമായി ബന്ധപ്പെടാം.

റജിസ്റ്റർ ചെയ്യണം

വേലൂർ ∙ ദേശീയ ഗ്രാമീണ തൊഴിലുറപ്പ് പദ്ധതി പ്രകാരം വേലൂർ പഞ്ചായത്തിലെ മുഴുവൻ ഭിന്നശേഷിക്കാരെയും പദ്ധതിയിൽ റജിസ്റ്റർ ചെയ്യിക്കാൻ തീരുമാനിച്ചു. ഇതിനായി 3 ഫോട്ടോ, റേഷൻ കാർഡ്, ആധാർ കാർഡ്, ബാങ്ക് അക്കൗണ്ട്, തിരിച്ചറിയൽ കാർഡ് എന്നീ രേഖകളുടെ പകർപ്പ് സഹിതം വാർഡ് അംഗങ്ങളെയോ തൊഴിലുറപ്പ് പദ്ധതി ഓഫിസുമായോ ബന്ധപ്പെടണമെന്ന് പഞ്ചായത്ത് പ്രസിഡന്റ് അറിയിച്ചു.

ഗുരുവായൂരിൽ ഇന്ന്

∙ ഗുരുവായൂർ ക്ഷേത്രം: കൊളാടി കുടുംബം വക നവമി നെയ് വിളക്ക്, വിളക്ക് എഴുന്നള്ളിപ്പ് 9.00, ഇടയ്ക്ക നാഗസ്വര പ്രദക്ഷിണം, മേളം ഗുരുവായൂർ ശശി മാരാർ 10.00

∙ ഗുരുവായൂർ മേൽപുത്തൂർ ഓഡിറ്റോറിയം: ചെമ്പൈ സംഗീതോത്സവം ആരംഭം രാവിലെ 6.00, ആകാശവാണി പ്രക്ഷേപണം രാവിലെ 9.30–12.30, രാത്രി 7.35–8.30.

വൈദ്യുതി മുടക്കം

പരിയാരം ∙ എച്ചിപ്പാറയിൽ പാലം പുതുക്കി പണിയുന്നതുമായി ബന്ധപ്പെട്ടു വൈദ്യുതി പോസ്റ്റുകൾ മാറ്റി സ്ഥാപിക്കുന്നതിനാൽ ഇന്ന് 8 മുതൽ 5 വരെ എച്ചിപ്പാറ, കണ്ടംകുളത്തി, വിരിപ്പാറ, റിവർറൈൻ എന്നീ ട്രാൻസ്‌ഫോമറുകളുടെ പരിധിയിലുള്ള പ്രദേശങ്ങളിൽ വൈദ്യുതി മുടങ്ങും.

വരന്തരപ്പിള്ളി ∙ വലിയകുളം, എച്ചിപ്പാറ, ചിമ്മിനി ഡാം എന്നിവിടങ്ങളിൽ 9 മുതൽ 5.30 വരെ വൈദ്യുതി മുടങ്ങും.

പറപ്പൂക്കര ∙ രാപ്പാൾ, പള്ളം, കുന്നുമ്മക്കര എന്നിവിടങ്ങളിൽ  8 മുതൽ 5 വരെ വൈദ്യുതി മുടങ്ങും.