ആന എണ്ണപ്പന മറിച്ചിട്ടു; വെളിച്ചവും വെള്ളവും മുടങ്ങി!
Mail This Article
×
അതിരപ്പിളളി∙ കാട്ടാന മറിച്ച എണ്ണപ്പന വൈദ്യുതി ലൈനിൽ വീണ് 230 കുടുംബങ്ങളിലേക്കുള്ള ജലവിതരണം തടസ്സപ്പെട്ടു. വെറ്റിലപ്പാറ നർമദ തേനരുവി ജലനിധി പദ്ധതിയുടെ പ്രവർത്തനമാണ് വൈദ്യുതതടസ്സം മൂലം മുടങ്ങിയത്. ഇന്നലെ പുലർച്ചയോടെയാണ് ആനക്കൂട്ടത്തിന്റെ ആക്രമണമുണ്ടായത്. ഇതോടെ കുടുംബാരോഗ്യ കേന്ദ്രം മുതൽ വെറ്റിലപ്പാറ ജംക്‌ഷൻ വരെയുള്ള ഭാഗങ്ങളിൽ ജലവിതരണം മുടങ്ങി.
നഴ്‌സറിപ്പടി ഭാഗത്ത് തോട്ടം തൊഴിലാളികൾ താമസിക്കുന്ന ക്വാർട്ടേഴ്‌സിനു സമീപമുണ്ടായിരുന്ന കോഴികൂടും കാട്ടാനയുടെ ആക്രമണത്തിൽ ഭാഗികമായി തകർന്നു. കഴിഞ്ഞ ദിവസം ചിക്‌ളായി നെടുങ്കേരി ജോയിയുടെ വീട്ടുപറമ്പിൽ കടന്ന കാട്ടാനകൾ ക‍ൃഷിയും നശിപ്പിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
