ഇഞ്ചക്കുണ്ടിൽ കാട്ടാനകൾ ഫോറസ്റ്റ് ഓഫിസിന്റെ മതിൽ തകർത്തു

ഇഞ്ചക്കുണ്ട് ∙ ഇന്നലെ രാത്രി ഒമ്പതരയോടെ ഇഞ്ചക്കുണ്ട് ഫോറസ്റ്റ് ഓഫിസിന്റെ പ്രധാന ഗേറ്റിലൂടെ അകത്തു കടന്ന ഒരു കൊമ്പനും രണ്ട് പിടിയാനകളും ഫോറസ്റ്റ് ഓഫിസിന്റെ പിന്നിലെ മതിലും ഗേറ്റും തകർത്തു. പുറത്ത് കടന്ന് റോഡിലൂടെ 100 മീറ്ററോളം പോയ കാട്ടാനകൾ സമീപത്തെ കുണ്ടുക്കാരൻ വർഗീസിന്റെ പറമ്പിലെ വാഴകൾ നശിപ്പിച്ചു. വെള്ളിക്കുളങ്ങര വനം റേഞ്ച് ഓഫിസറുടെ നേതൃത്വത്തിൽ ജീവനക്കാരും നാട്ടുകാരും ചേർന്ന്  റോഡിൽ നിലയുറപ്പിച്ച കാട്ടാനകളെ കാട്ടിലേക്കു തുരത്താനുള്ള ശ്രമം തുടരുകയാണ്.