മന്ദലാംകുന്ന് ബീച്ചിൽ യുവാവിന് കുത്തേറ്റ സംഭവം: 2 പേർ അറസ്റ്റിൽ

പുന്നയൂർക്കുളം ∙ മന്ദലാംകുന്ന് ബീച്ചിൽ യുവാവിനെ കുത്തിപ്പരുക്കേൽപിച്ച സംഭവത്തിൽ 2 പേർ അറസ്റ്റിൽ. അകലാട് പണിക്കവീട്ടിൽ ചാലിൽ അനസ് (28), നാലകത്ത് ഫായിസ് അഹമ്മദ് (27) എന്നിവരാണ് അറസ്റ്റിലായത്. മന്ദലാംകുന്ന് പെരുവഴിപ്പുറത്ത് അഷ്കർ (29) നാണു ശനിയാഴ്ച കുത്തേറ്റത്.

സുഹൃത്തിനെ കാത്തിരുന്ന അഷ്കറിനെ ബൈക്കിൽ എത്തിയ അനസും ഫായിസും ചേർന്ന് ആക്രമിക്കുകയായിരുന്നത്രെ. നെഞ്ചിനും വാരിയെല്ലിനും പരുക്കുള്ള അഷ്കർ തൃശൂരിലെ സ്വകാര്യ ആശുപത്രിയിൽ ചികിത്സയിലാണ്. അക്രമത്തിനു ശേഷം രക്ഷപ്പെട്ട അനസിനെ എടപ്പാളിൽ നിന്നും ഫായിസിനെ എടക്കഴിയൂരിൽ നിന്നുമാണ് അറസ്റ്റ് ചെയ്തത്.