തൃശൂർ ജില്ലയിൽ ഇന്ന് (04-06-2023); അറിയാൻ, ഓർക്കാൻ
Mail This Article
അധ്യാപക ഒഴിവ് ; പുത്തൻചിറ ∙ ഗവ.വൊക്കേഷനൽ ഹയർസെക്കൻഡറി സ്കൂളിൽ നോൺ വൊക്കേഷനൽ ടീച്ചർ (ഓൺട്രപ്രനർഷിപ് ഡവലപ്മെന്റ്) തസ്തികയിൽ ഗെസ്റ്റ് അധ്യാപക നിയമനത്തിനായി 6നു 11നു കൂടിക്കാഴ്ച നടത്തും. യോഗ്യത: എം.കോം, ബിഎഡ്, സെറ്റ്. അസ്സൽ രേഖകൾ സഹിതം എത്തണം. 9349851045.
ഇരിങ്ങാലക്കുട ∙ ഗവ. ബോയ്സ് വൊക്കേഷനൽ ഹയർ സെക്കൻഡറി സ്കൂളിൽ ഡയറി ഫാർമർ ഒൻട്രപ്രനർ (ലൈവ് സ്റ്റോക്ക് മാനേജ്മെന്റ്) കോഴ്സിൽ അധ്യാപക ഒഴിവ്. കൂടിക്കാഴ്ച നാളെ രാവിലെ 10ന്.
പരിശീലകരെ ആവശ്യമുണ്ട്
കൊരട്ടി ∙ സർക്കാർ പോളിടെക്നിക് കോളജിനു കീഴിൽ പരിയാരത്ത് പ്രവർത്തിക്കുന്ന സർക്കാർ ഇൻസ്റ്റിറ്റ്യൂട്ട് ഓഫ് ഫാഷൻ ഡിസൈനിങ്ങിലേക്ക് ദിവസ വേതനാടിസ്ഥാനത്തിൽ പരിശീലകരെ ആവശ്യമുണ്ട്. യോഗ്യതയുള്ളവർ 7നു 10ന് കൊരട്ടി പോളിടെക്നിക് കോളജിൽ ഇന്റർവ്യൂവിനു ഹാജരാകണമെന്ന് പ്രിൻസിപ്പൽ അറിയിച്ചു.
പകൽവീട്ടിൽ കെയർടേക്കർ
ചാലക്കുടി ∙ ബ്ലോക്ക് പഞ്ചായത്തിലെ കൊരട്ടി ചിറങ്ങരയിൽ പ്രവർത്തിക്കുന്ന പകൽവീട്ടലേക്ക് വൃദ്ധജനങ്ങളെ പരിപാലിക്കുന്നതിനായി കെയർടേക്കറുടെ ഒഴിവുണ്ട്. ബ്ലോക്ക് പഞ്ചായത്ത് പരിധിയിൽ താമസിക്കുന്നവരിൽ നിന്ന് 7 ന് 5 വരെ അപേക്ഷ ക്ഷണിച്ചു. മാസം 7000 രൂപ ഓണറേറിയം നൽകും. എസ്എസ്എൽസിയാണു വിദ്യാഭ്യാസ യോഗ്യത. ഫോൺ: 9495692656, 04802700380.
സീറ്റൊഴിവ്
വലപ്പാട്∙ കോഴിക്കോട് സർവകലാശാലയിൽ അഫിലിയേറ്റ് ചെയ്തിട്ടുള്ള നാട്ടിക അപ്ലൈഡ് സയൻസ് കോളജിൽ ബിഎസ് എസി ഇലക്ട്രോണിക്സ്, ബിഎസ് എസി കംപ്യൂട്ടർ സയൻസ്, ബി കോം കംപ്യൂട്ടർ ആപ്ലിക്കേഷൻ എന്നീ കോഴ്സുകൾക്ക് അപേക്ഷ ക്ഷണിച്ചു. www.casnattika.ihrd.ac.in , 8891930575, 8547005057
ഹെൽപ് ഡെസ്ക്
തൃത്തല്ലൂർ ∙ കമല നെഹ്റു സ്മാരക വിഎച്ച്എസ് സ്കൂളിൽ പ്ലസ് വൺ പ്രവേശനത്തിന് ഹെൽപ് ഡെസ്ക് തുടങ്ങി. വിദ്യാർഥികൾ സ്കൂളിൽ നേരിട്ടെത്തി 10 മുതൽ 4.30 വരെ സൗജന്യമായി ഓൺലൈൻ അപേക്ഷ സമർപ്പിക്കാം. അവസാന തീയതി 9.