3 ലോറികൾ കൂട്ടിയിടിച്ചു; ഒരാൾക്കു പരുക്ക്

നടത്തറ∙ ദേശീയ പാതയിൽ 3 ലോറികൾ കൂട്ടിയിടിച്ചുണ്ടായ അപകടത്തിൽ ഒരാൾക്കു ഗുരുതര പരുക്കേറ്റു. ലോറിക്കുള്ളിൽ കുടുങ്ങിയ ഇയാളെ ഒന്നര മണിക്കൂറിനു ശേഷമാണു പുറത്തെടുത്തത്. ഇന്നലെ പുലർച്ചെ 3നു നടത്തറ സിഗ്നൽ ജംക്‌ഷനിലായിരുന്നു അപകടം. സിഗ്നലിൽ നിർത്തിയിട്ടിരുന്നലോറിക്കു പിന്നിൽ മണൽ കയറ്റി വന്ന ലോറി ഇടിച്ചു കയറുകയായിരുന്നു.  ഇടിയുടെ ആഘാതത്തിൽഈ ലോറി മുന്നിലെ ലോറിയിലും ഇടിച്ചു. മണൽ ലോറിയിലെ ഡ്രൈവർക്കാണ് ഗുരുതര പരുക്കേറ്റത്.  തൃശൂരിൽ നിന്ന് അഗ്നിരക്ഷാ സേനയെത്തി ഒന്നര മണിക്കൂർ പരിശ്രമിച്ച ശേഷമാണ് ഇയാളെ പുറത്തെടുക്കാനായത്. ചാലക്കുടി സ്വദേശി വിപിനാണ് (38) പരുക്കേറ്റത്. കാലിനു ഗുരുതര പരുക്കേറ്റ വിപിൻ അപകടനില തരണം ചെയ്തു.