650 മില്ലിഗ്രാം എംഡിഎംഎയുമായി യുവാവ് അറസ്റ്റിൽ

പട്ടിക്കാട്∙ 650 മില്ലിഗ്രാം എംഡിഎംഎ സഹിതം കാളക്കുന്ന് മണി വിലയത്ത് വീട്ടിൽ ശിവം കോലിയെ (27) എക്സൈസ് സംഘം അറസ്റ്റ് ചെയ്തു. വിദ്യാർഥികൾക്കിടയിൽ ലഹരിമരുന്ന് വിൽക്കുന്നവരെ കണ്ടെത്തുന്നതിന്റെ ഭാഗമായി തൃശൂർ എക്സൈസ് രാത്രി നടത്തിയ റെയ്ഡിലാണ് ഇയാളെ പിടികൂടിയത്.

തൃശൂർ റേഞ്ച് എക്സൈസ് ഇൻസ്പെക്ടർ അബ്ദുൽ അഷ്റഫിന്റെ നേതൃത്വത്തിലായിരുന്നു അറസ്റ്റ്. റെയ്ഡ് സമയത്ത് ഉദ്യോഗസ്ഥരെ തള്ളിമാറ്റി ഓടിക്കളയാൻ ശ്രമിച്ച പ്രതിയെ വളഞ്ഞു പിടികൂടുകയായിരുന്നു.  റിമാൻഡ് ചെയ്തു. കണ്ണാറ, ചേരുംകുഴി, കാളക്കുന്ന് മേഖലകളിലെ പ്രധാന ലഹരിമരുന്ന് വിതരണക്കാരനാണ് ഇയാളെന്ന് എക്സൈസ് ഉദ്യോഗസ്ഥർ പറഞ്ഞു.   ഇയാൾക്കെതിരെ മുൻപും ലഹരിമരുന്ന് കേസുകളുണ്ടായിരുന്നു. ഇയാളിൽനിന്ന് സ്ഥിരമായി ലഹരിമരുന്ന് വാങ്ങിയിരുന്ന 10 പേരെ അറസ്റ്റ് ചെയ്തു ജാമ്യത്തിൽവിട്ടു.