ഡ്രൈവർമാർക്കായി നേത്രാരോഗ്യ പദ്ധതി

ചാലക്കുടി ∙ റോട്ടറി ക്ലബും ജനമൈത്രി പൊലീസും എറണാകുളം ഗിരിധർ ഐ ഇൻസ്റ്റിറ്റ്യൂട്ടിന്റെയും എസ്എസ്എം റിസർച്ച് ഫൗണ്ടേഷന്റെയും കളമശേരി രാഹി ദൃഷ്ടികേന്ദ്രയുടെയും സഹകരണത്തോടെ ഡ്രൈവർമാർക്കായി നേത്രാരോഗ്യ പദ്ധതി നടപ്പാക്കുന്നു. എസ്ഐ എസ്. സുദർശന ഉദ്ഘാടനം ചെയ്തു.ഇതിന്റെ ഭാഗമായി സൗത്ത് ജംക്‌ഷനിലെ കലാഭവൻ മണി ഓട്ടോറിക്ഷാ സ്റ്റാൻഡിൽ സൗജന്യ നേത്ര പരിശോധനയും കണ്ണട വിതരണവും നടത്തി. റോട്ടറി ക്ലബ് പ്രസിഡന്റ് ജോൺ തെക്കേക്കര അധ്യക്ഷത വഹിച്ചു. റോട്ടറി ജിജിആർ സാബു ചക്കാലക്കൽ, സെക്രട്ടറി ലെനിൻ ചന്ദ്രൻ, രമേഷ്കുമാർ കുഴിക്കാട്ടിൽ, സി. അജയകുമാർ, അനീഷ് പറമ്പിക്കാട്ടിൽ എന്നിവർ പ്രസംഗിച്ചു.