കാട്ടിക്കരക്കുന്ന് കമ്യൂണിറ്റി ഹാൾ: സൗകര്യങ്ങളില്ല; ശുചിത്വവും

മാള ∙പഞ്ചായത്ത് ഒന്നാം വാർഡിൽ സ്ഥിതിചെയ്യുന്ന കാട്ടിക്കരക്കുന്ന് കമ്യൂണിറ്റി ഹാളിൽ  അടിസ്ഥാന സൗകര്യങ്ങൾ ഒരുക്കുന്നില്ലെന്ന് ആക്ഷേപം.  പരിസരം ശുചിത്വമില്ലാതെയാണു കിടക്കുന്നത്. ശുചിമുറികളിൽ വൈദ്യുതി ഇല്ല. ഹാളിൽ നിന്നു മലിനജലം പോകുന്നതിനുള്ള സംവിധാനങ്ങൾ തകർച്ചയിലാണ്. പലയിടങ്ങളിലും മലിനജലം കെട്ടിക്കിടന്ന് ദുർഗന്ധം വമിക്കുന്നു. 7000 മുതൽ 8000 രൂപ വരെയാണ് വാടക വാങ്ങുന്നത്. സാധാരണക്കാരുടെ ആശ്രയമായ കമ്യൂണിറ്റിഹാൾ ഉപയോഗപ്രദമാക്കണമെന്നാണു ജനങ്ങളുടെ ആവശ്യം. പഞ്ചായത്ത് അധികൃതർ തീരെ ശ്രദ്ധിക്കുന്നില്ലെന്ന് അവർ കുറ്റപ്പെടുത്തുന്നു.