പൈപ്പ് പൊട്ടൽ പതിവ്: ശുദ്ധജല വിതരണം തടസ്സപ്പെടുന്നു

കയ്പമംഗലം ∙ ദേശീയപാത നിർമാണവുമായി ബന്ധപ്പെട്ട് പൈപ്പ് പൊട്ടൽ പതിവായതോടെ ശുദ്ധജല വിതരണത്തിൽ തടസ്സം.  ചെന്ത്രാപ്പിന്നി, കയ്പമംഗലം, പെരിഞ്ഞനം, മതിലകം, ശ്രീനാരായണപുരം ഭാഗങ്ങളിൽ തുടർച്ചയായി ശുദ്ധജലവിതരണം നിലയ്ക്കുന്നു. മൂന്നുപീടിക ബൈപാസ് നിർമാണത്തിനിടെ പൈപ്പ് മുറിഞ്ഞതിനെ തുടർന്ന് വഴിയമ്പലം പരിസരത്ത്  ശുദ്ധജലം വിതരണം മുടങ്ങിയിട്ട് മാസങ്ങളായി.  പൈപ്പുകൾ മാറ്റിയിടുന്നന്നതിന് എൻഎച്ചിന് ജല അതോറിറ്റി ഫണ്ട് കൈമാറിയിട്ട് മാസങ്ങൾ കഴിഞ്ഞു. ദേശീയപാത കരാർ കമ്പനിയുടെ അനാസ്ഥയാണു കാരണമെന്നാണ് ആക്ഷേപം.