വാളൂർ ∙ കനത്തമഴയെ തുടർന്നുണ്ടായ വെള്ളക്കെട്ടിൽ നെൽക്കൃഷിയിറക്കിയ പാടം വെള്ളക്കെട്ടിൽ. വാളൂർ പാടത്തെ 10 ഏക്കർ നിലമാണ് ഏതാനും ദിവസങ്ങളിലായി തുടരുന്ന മഴയെ തുടർന്ന് വെള്ളക്കെട്ടിലായിരിക്കുന്നത്. 8 ദിവസം മുൻപാണ്വിതച്ചത്. മഴയില്ലാത്തതിനെ തുടർന്ന് കൃഷിയിറക്കൽ വൈകിയ പാടങ്ങളിലാണ് തുടർച്ചയായ മഴ കർഷകർക്ക് തിരിച്ചടിയായത്.

ചാലക്കുടി പുഴയോടു ചേർന്ന പാടശേഖരമായതിനാൽ മഴ ശമിച്ച് ചുരുങ്ങിയത് 2 ദിവസമെങ്കിലും വെള്ളക്കെട്ടൊഴിയാൻ വേണ്ടിവരുമെന്നാണ് പറയുന്നത്. സാധാരണ ഞാറു പറിച്ചു നടാറാകുമ്പോഴാണ് വലിയ മഴ ലഭിക്കാറുള്ളത്. എന്നാൽ ഇപ്രാവശ്യം വിതച്ച സമയത്തു മഴയെത്തിയതിനാൽ വിത്ത് പകുതിയും നഷ്ടപ്പെടുവാനുള്ള സാധ്യതയുണ്ടെന്നുകർഷകർ പറയുന്നു.