അതിരപ്പിള്ളി ∙ ചാലക്കുടി പുഴയിലൂടെ മുള ചങ്ങാടത്തിൽ ജലയാത്ര നടത്തുന്നതിന് ഒരുക്കം പൂർത്തിയാകുന്നു. ബാംബു ക്രാഫ്റ്റിങ് പദ്ധതിയുടെ ഭാഗമായി ആദ്യത്തെ ചങ്ങാടത്തിന്റെ നിർമാണം പൂർത്തിയായി. വെള്ളച്ചാട്ടത്തിനു മുകൾ ഭാഗത്ത് ഒഴുക്കു കുറഞ്ഞ സ്ഥലങ്ങളിലാണു പദ്ധതി നടപ്പാക്കുക. 4 പേർക്കു സഞ്ചരിക്കാവുന്ന ചങ്ങാടത്തിനു 25 അടി നീളവും 6 അടി വീതിയുമുണ്ട്.

മുളകൊണ്ടുള്ള കസേരകളും ഭക്ഷണം കഴിക്കുന്നതിനുള്ള മേശയും ചങ്ങാടത്തിലുണ്ട്. വാഹനങ്ങളുടെ ട്യൂബ് ഉപയോഗിച്ച് ചങ്ങാടം കൂടുതൽ സുരുക്ഷിതമാക്കും. വന സംരക്ഷണ സമിതി ജീവനക്കാരായ പി.പി. ഷാജു, സുരേന്ദ്രൻ, സുധൻ, ശ്രീജിത്ത് എന്നിവരാണു ചങ്ങാടത്തിന്റെ ശിൽപികൾ.