കൊരട്ടി ∙ വാഹനാപകട സാധ്യത കൂടിയ പെരുമ്പി ജംക്‌ഷനിൽ എൻഎച്ച്എഐ അലർട്ട് ലൈനുകൾ ഒരുക്കി. പെരുമ്പി ജംക്‌ഷൻ മുതൽ ചിറങ്ങര വരയുള്ള ഭാഗങ്ങളിലാണ് അലർട്ട് ലൈൻ. റോഡിനു കുറുകെ വരച്ചിരിക്കുന്ന ഈ ഭാഗത്തിലൂടെ വാഹനം കടന്നുപോകുമ്പോൾ ചെറിയ രീതിയിൽ വാഹനത്തിനു വിറയലുണ്ടാകും.

50 മീറ്റർ ദൂരപരിധിയിൽ അലർട്ട് ലൈനുണ്ട്. റോഡിലെ മിനുസമുള്ള പ്രതലത്തിനു മാറ്റം വരുത്തുമെന്നാണു ദേശീയപാത അധികൃതർ അറിയിച്ചിരുന്നത്.  അലർട്ട് ലൈനുകൾക്കൊപ്പം 2 ഇടങ്ങളിലായി അപകട സൂചന ബോർഡുകളും വേഗം നിയന്ത്രിക്കാനുള്ള മുന്നറിയിപ്പുകളും സ്ഥാപിച്ചിട്ടുണ്ട്. സനീഷ്കുമാർ ജോസഫ് എംഎൽഎയുടെ അഭ്യർഥനയെ തുടർന്ന് പ്രോജക്ട് ഡയറക്ടർ സ്ഥലം സന്ദർശിക്കുമെന്ന് ഉറപ്പു നൽകിയിട്ടുണ്ട്.