മൂന്നുപീടികയിൽ ജ്വല്ലറിയിൽ മോഷണം

മൂന്നുപീടിക ∙ഐഡിയ ജ്വല്ലറിയുടെ ഭിത്തി തുരന്ന് 200 ഗ്രാം വെള്ളിയാഭരണങ്ങൾ മോഷ്ടിച്ചു.  ഇന്നലെ രാവിലെ ഉടമ ഉമ്മർ സ്ഥാപനം തുറക്കാനെത്തിയപ്പോഴാണു വിവരം അറിഞ്ഞത്. ലോക്കർ തുറക്കാൻ കഴിയാത്തതിനാൽ സ്വർണം നഷ്ടപെട്ടിട്ടില്ല. 2004ൽ ഇതേ ജ്വല്ലറിയിൽ ചുമർ തുരന്ന് സ്വർണാഭരണം കവർന്നിട്ടുണ്ട്. ശനിയും ഞായറും ജ്വല്ലറി തുറന്നിരുന്നില്ല. കയ്പമംഗലം പൊലീസ് ഇൻസ്പെക്ടർ എം.ഷാജഹാന്റെ നേതൃത്വത്തിൽ അന്വേഷണം ആരംഭിച്ചു. 2 മാസം മുൻപ് തൊട്ടുടുത്ത പൊന്നറ ജ്വല്ലറിയിലും സമാന രീതിയിൽ കവർച്ച നടന്നിരുന്നു.