വാഹനാപകടത്തിൽ പതിനാലുകാരൻ മരിച്ചു

ചാവക്കാട്∙ ദേശീയപാത മണത്തല അയിനിപ്പുള്ളിയിൽ ബൈക്കും ഓട്ടോറിക്ഷയും കൂട്ടിയിടിച്ച് ബൈക്ക് യാത്രികനായ പതിനാലുകാരൻ മരിച്ചു.  ഒപ്പമുണ്ടായിരുന്ന രണ്ടുപേർക്ക് പരുക്ക്.  ചാവക്കാട് പൊന്നറ ജ്വല്ലറി ജീവനക്കാരൻ കുരഞ്ഞിയൂരിൽ താമസിക്കുന്ന പാലപ്പെട്ടി വീട്ടിൽ കമാൽ ആഷിഖിന്റെയും ഷാനിലയുടെയും മകൻ നാസിം(14) ആണ് മരിച്ചത്. ബൈക്ക് ഓടിച്ചിരുന്ന ഷഹീൻഷാ(19), ബൈക്കിലുണ്ടായിരുന്ന നാസിമിന്റെ മാതൃസഹോദരന്റെ മകൻ ഫഹദ്(14) എന്നിവർക്കാണ് പരുക്കേറ്റത്. രാത്രി  എട്ടോടെയാണ് അപകടം. തൊഴിയൂർ റഹ്മത്ത് സ്കൂളിലെ 9–ാം ക്ലാസ് വിദ്യാർഥിയാണ്.