ഷീജയുടെ മരണം: ഭർത്താവ് ഉണ്ണിക്കൃഷ്ണന് ഏഴര വർഷം കഠിന തടവ്

ചാവക്കാട്∙ തളിക്കുളം ത്രിവേണിയിൽ കുട്ടമ്പറമ്പത്ത് അപ്പുവിന്റെ മകൾ ഷീജ (50) സ്വന്തം വീട്ടിൽ ആത്മഹത്യ ചെയ്ത സംഭവത്തിൽ ഭർത്താവ് ഏങ്ങണ്ടിയൂർ ചന്തപ്പടിയിൽ പെ‌ാറ്റയിൽ ഉണ്ണിക്കൃഷ്ണന് (55) ഏഴര വർഷം കഠിന തടവും 15,000 രൂപ പിഴയും ചാവക്കാട് അസിസ്റ്റന്റ് സെഷൻസ് കോടതി ശിക്ഷ വിധിച്ചു. 

2019 സെപ്റ്റംബർ 12ന് തിരുവോണ ദിവസമാണു ഷീജ മണ്ണെണ്ണ ഒഴിച്ച് തീകെ‌ാളുത്തിയത്. 19ന് തൃശൂർ മെഡിക്കൽ കോളജ് ആശുപത്രിയിൽ മരിക്കുകയും ചെയ്തു. ഭർത്താവിന്റെ ഉപദ്രവം മൂലമാണ് ആത്മഹത്യയ്ക്ക് ശ്രമിച്ചതെന്ന് ഷീജ ജുഡീഷ്യൽ മജിസ്ട്രേട്ടിനു മെ‌ാഴി നൽകിയിരുന്നു.വാടാനപ്പള്ളി എസ്ഐ ആയിരുന്ന അനിൽകുമാർ ടി.മേപ്പിള്ളിയാണ് കേസ് അന്വേഷണം നടത്തിയത്. പിന്നീട് ഇരിങ്ങാലക്കുട ഡിവൈഎസ്പി ഫേമസ് വർഗീസ് കുറ്റപത്രം കോടതിയിൽ സമർപ്പിച്ചു.