മോഷണ പരമ്പര: സ്വർണം വിറ്റസഹായിയും അറസ്റ്റിൽ

ഗുരുവായൂർ ∙ റെയിൽവേ സ്റ്റേഷനിലും വീടുകളിലും സ്ത്രീകളുടെ ആഭരണങ്ങൾ കവരുന്ന കേസിൽ കഴിഞ്ഞ ദിവസം അറസ്റ്റിലായ മലപ്പുറം താനൂർ പുത്തൻതെരുവ് മൂർക്കാടൻ വീട്ടിൽ കുരങ്ങ് പ്രദീപ് എന്ന പ്രദീപ് (45)) മോഷ്ടിച്ച സ്വർണം വിൽക്കാൻ സഹായിച്ച രണ്ടാം പ്രതി കോഴിക്കോട് ബേപ്പൂർ അന്തോണിപറമ്പ് കരുന്നത്ത് വീട്ടിൽ മണിയെ (57) പൊലീസ് ഇൻസ്പെക്ടർ ജി. അജയ്കുമാറിന്റെ നേതൃത്വത്തിലുള്ള പൊലീസ് അറസ്റ്റ് ചെയ്തു. 4 കേസുകളിലായി കളവു പോയ മുഴുവൻ സ്വർണവും പ്രതികളിൽ നിന്ന് കണ്ടെടുത്തു. പ്രതിയെ റിമാൻഡ്ചെയ്തു. എസ്ഐ പി.കെ.മുകുന്ദൻ. എഎസ്ഐ ജയചന്ദ്രൻ, സീനിയർ സിപിഒമാരായ സുവീഷ് , രഞ്ജിത്ത്, ഗഗേഷ് എന്നിവരാണ് അന്വേഷണ സംഘത്തിൽ ഉണ്ടായിരുന്നത്.