ആവശ്യത്തിന് വെള്ളമില്ല; നെൽക്കൃഷി പ്രതിസന്ധിയിൽ

പുത്തൻചിറ ∙ വേനൽ ആരംഭിച്ചതോടെ മേഖലയിലെ കൃഷിയിടങ്ങളിൽ ആവശ്യത്തിന് വെള്ളമെത്താത്തതിനാൽ നെൽക്കൃഷി പ്രതിസന്ധിയിൽ. കരിങ്ങോൾച്ചിറ മുതൽ വൈക്കിലിച്ചിറ വരെയുള്ള 150 ഏക്കർ വിസ്തൃതമായ പാടശേഖരത്തിൽ വെള്ളം കുറഞ്ഞതു നിമിത്തം കൃഷി ഇറക്കാനാകാത്ത സ്ഥിതിയാണുള്ളത്.

ചെറുതോടുകൾ വഴി എത്തുന്ന വെള്ളം മാത്രമാണ് ഇപ്പോൾ പാട ശേഖരങ്ങളിലുള്ളത്. വേനൽ കടുത്താൽ ഇതും വറ്റുന്നതോടെ കൃഷി നശിക്കുമെന്നാണു കർഷകർ പറയുന്നത്. അടിയന്തര നടപടിയെടുക്കണമെന്നാവശ്യപ്പെട്ട് കലക്ടർ, ചാലക്കുടി എംഎൽഎ, ഇറിഗേഷൻ സബ് ഡിവിഷൻ അസി.എക്സിക്യൂട്ടീവ് എൻജിനീയർ, വേളൂക്കര പഞ്ചായത്ത് എന്നിവർക്ക് പഞ്ചായത്ത് പ്രസിഡന്റ് റോമി ബേബി നിവേദനം നൽകിയിട്ടുണ്ട്.