കനത്ത മിന്നലിൽ മൂന്നു പേർക്ക് പരുക്ക്; കോൺക്രീറ്റ് റോഡിന്റെ വശങ്ങൾ പൊട്ടിച്ചിതറി

പാലപ്പിള്ളി∙ രാവിലെ കുണ്ടായി ചക്കിപ്പറമ്പ് നഗറിലുണ്ടായ ശക്തമായ മിന്നലിൽ കോൺക്രീറ്റ് റോഡിന്റെ വശങ്ങൾ പൊട്ടിച്ചിതറി. സമീപത്തുണ്ടായിരുന്ന 3 പേർക്ക് നിസ്സാര പരുക്കേറ്റു. മലയൻ വീട്ടിൽ ശശീന്ദ്രൻ, ഭാര്യ സുനിത, സത്യൻ എന്നിവർക്കാണ് പരുക്കേറ്റത്. മിന്നലിന്റെ ഉഗ്രശേഷിയിൽ നിന്നു കഷ്ടിച്ചാണ് ഇവർ രക്ഷപ്പെട്ടത്. ഇവരുടെ ദേഹത്ത് ചൂട് അനുഭവപ്പെടുകയും മിന്നലേറ്റ ഭാഗത്തെ മണ്ണും ചീളുകളും തെറിക്കുകയും ചെയ്തു. വീടിനു സമീപത്തുള്ള റോഡിലാണ് സംഭവം. സമീപത്തെ വീടുകളിലുണ്ടായിരുന്നവർക്കും മിന്നലേറ്റു. വൈദ്യുത പോസ്റ്റിലെ ബൾബ് പൊട്ടിച്ചിതറി.