യുവാവിന്റെ ആക്രമണത്തിൽ കെഎസ്ആർടിസി ഡ്രൈവർക്ക് പരുക്ക്
Mail This Article
×
മാനന്തവാടി ∙ ബൈക്കിലെത്തിയ യുവാവിന്റെ മർദനത്തിൽ കെഎസ്ആർടിസി ഡ്രൈവർക്ക് പരുക്ക്. കോഴിക്കോട് ഡിപ്പോയിലെ ഡ്രൈവർ കൊടുവള്ളി എളേറ്റിൽ കോട്ടപ്പാറ ഷമീറിനെ(41) മാനന്തവാടി ജില്ലാ ആശുപത്രിയിൽ പ്രവേശിപ്പിച്ചു. ഇന്നലെ രാവിലെ 10.30 നു നാലാംമൈലിലാണ് സംഭവം. കോഴിക്കോട് നിന്നു മാനന്തവാടിയിലേക്ക് വരികയായിരുന്ന ബസിലെ ഡ്രൈവറായിരുന്നു ഷമീർ.
മൊബൈൽ ഫോണിൽ സംസാരിച്ചുകൊണ്ട് ബൈക്ക് ഓടിക്കുകയായിരുന്ന യുവാവിനെ മറികടന്ന് ബസ് പോയതിനെ തുടർന്ന് നാലാം മൈലിൽ ആളെ ഇറക്കാൻ നിർത്തിയപ്പോൾ പുറകെ എത്തിയ യുവാവ് ബസിൽ കയറി ഡ്രൈവറെ മർദിക്കുകയായിരുന്നു എന്നാണ് പരാതി. ഡ്രൈവറുടെ മൊബൈൽ ഫോൺ തകർക്കുകയും ചെയ്തു. യാത്രക്കാർ ഇടപെട്ടതോടെ ബൈക്ക് ഉപേക്ഷിച്ച് യുവാവ് രക്ഷപ്പെടുകയായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
