തിരുനെല്ലിക്ക് അഭിമാനത്തിന്റെ ചന്ദ്രോദയം
Mail This Article
മാനന്തവാടി ∙ സിവിൽ സർവീസ് പരീക്ഷയിൽ 553 ാം റാങ്ക് നേടി മഞ്ജു ചന്ദ്രൻ വയനാടിന്റെ അഭിമാനമായി. തിരുനെല്ലി പഞ്ചായത്തിൽ നിന്ന് ആദ്യമായി സിവിൽ സർവീസിൽ വിജയം നേടിയ മഞ്ജു കാട്ടിക്കുളം അറയ്ക്കൽ വിമുക്തഭടൻ രാമചന്ദ്രന്റെയും പത്മയുടെയും മകളാണ്. കഴിഞ്ഞ മൂന്നുവട്ടം കൈവിട്ടുപോയ സിവിൽ സർവീസ് മോഹം നാലാം ഉൗഴത്തിൽ നേടിയെടുക്കാനായെങ്കിലും ഐഎഎസ് ലക്ഷ്യമാക്കി ഒരു വട്ടം കൂടി പരീക്ഷ എഴുതാനാണ് എ.ആർ. മഞ്ജു ചന്ദ്രന്റെ തീരുമാനം.
മാനന്തവാടി ലിറ്റിൽ ഫ്ലവർ യുപി സ്കൂളിലാണ് പഠനം തുടങ്ങിയത്. ഹൈസ്കൂൾ വിദ്യാഭ്യാസം മാനന്തവാടി അമൃത വിദ്യാലയത്തിലും ഹയർ സെക്കൻഡറി പഠനം ദ്വാരക എസ്എച്ച് എച്ച്എസ്എസിലും ആയിരുന്നു. പാലക്കാട് എൻഎസ്എസ് കോളജിൽ നിന്ന് എൻജിനിയറിങ്ങിൽ ബിരുദം നേടിയ ശേഷമാണ് സിവിൽ സർവീസിനുള്ള ശ്രമം തുടങ്ങിയത്. തിരുവനന്തപുരത്തെയും എറണാകുളത്തെയും സ്ഥാപനങ്ങളിലായിരുന്നു പരിശീലനം. സഹോദരൻ: മനു ചന്ദ്രൻ.