ADVERTISEMENT

പടി‍ഞ്ഞാറത്തറ ∙ പ്രതിസന്ധികളെ തരണം ചെയ്ത് എസ്എസ്എൽസി പരീക്ഷയിൽ മികച്ച വിജയം കരസ്ഥമാക്കിയ മുബഷിറയെ പെയിൻ ആൻഡ് പാലിയേറ്റിവ് സപ്പോർട്ടിങ് ഗ്രൂപ്പിന്റെ നേതൃത്വത്തിൽ ആദരിച്ചു. വാരാമ്പറ്റ ഹൈസ്കൂളിലെ വിദ്യാർഥിനിയായ മുബഷിറ ഒന്നര വർഷമായി നട്ടെല്ലിന് അർബുദം ബാധിച്ച് ചികിത്സയിലാണ്. ഇരു കാലുകൾക്കും സ്വാധീനം നഷ്ടമാകുകയും ചെയ്തിട്ടുണ്ട്. കടുത്ത ചികിത്സ തുടരുന്നതിനിടെയാണ് പരീക്ഷ എഴുതി മികച്ച വിജയം സ്വന്തമാക്കിയത്. 

പഞ്ചായത്ത് പ്രസിഡന്റ് പി. ബാലൻ ചടങ്ങ് ഉദ്ഘാടനം ചെയ്തു. സ്ഥിരം സമിതി അധ്യക്ഷ കെ. ജെസീല പെരുന്നാൾ കോടി നൽകി. പാലിയേറ്റിവ് കമ്മിറ്റി ചെയർമാൻ കെ.ടി. കുഞ്ഞബ്ദുല്ല, വൈസ് ചെയർമാൻ ജിജി ജോസഫ്, ഡോ.സ്റ്റെഫി, പി. അസ്മത്ത്, ഷാജിദ നൗഷാദ്, കെ. ഗഫൂർ, പി. മറിയാമ്മ. സി. റൈഹാനത്ത്, കെ. ജിൻസി എന്നിവർ പ്രസംഗിച്ചു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com