വയനാട് ജില്ലയിൽ 318 പേർക്കു കൂടി കോവിഡ്; 125 പേർക്ക് രോഗമുക്തി

കൽപറ്റ ∙ ജില്ലയിൽ ഇന്നലെ 318 പേർക്കു കൂടി കോവിഡ് സ്ഥിരീകരിച്ചു. 125 പേർ രോഗമുക്തി നേടി. ടെസ്റ്റ് പോസിറ്റിവിറ്റി റേറ്റ് 18.47 ശതമാനം. 9 ആരോഗ്യ പ്രവർത്തകർ ഉൾപ്പെടെ 305 പേർക്കും സമ്പർക്കത്തിലൂടെയാണ് രോഗബാധ. വിദേശത്തു നിന്നെത്തിയ ഒരാൾക്കും ഇതര സംസ്ഥാനങ്ങളിൽ നിന്നെത്തിയ 12 പേർക്കും ഇന്നലെ രോഗം സ്ഥിരീകരിച്ചു.

ഇതോടെ ജില്ലയിൽ ഇതുവരെ കോവിഡ് സ്ഥിരീകരിച്ചവരുടെ എണ്ണം 1,37,828 ആയി. 135183 പേർ രോഗമുക്തരായി. നിലവിൽ 1569 പേരാണ് ചികിത്സയിലുള്ളത്. ഇവരിൽ 1496 പേർ വീടുകളിലാണ് ചികിത്സയിൽ കഴിയുന്നത്. 758 കോവിഡ് മരണം ജില്ലയിൽ ഇതുവരെ സ്ഥിരീകരിച്ചു. നിലവിൽ 11,894 പേരാണു നിരീക്ഷണത്തിലുള്ളത്.  ഇന്നലെ 908 സാംപിളുകൾ പരിശോധനയ്ക്കായി അയച്ചു.