വയനാട് ജില്ലയിൽ ഇന്ന് (24–6–2022); അറിയാൻ, ഓർക്കാൻ
Mail This Article
വാട്ടർബില്ലുകൾ ഓൺലൈൻ
കൽപറ്റ ∙ കേരള ജല അതോറിറ്റി മാനേജിങ് ഡയറക്ടറുടെ ഉത്തരവു പ്രകാരം 500 രൂപയ്ക്കു മുകളിലുള്ള വാട്ടർ ബില്ലുകൾ ഓൺലൈൻ വഴി അടയ്ക്കണം. വെബ് പോർട്ടലായ https://epay.kwa.kerala.gov.in വഴിയോ ക്വിക്പേ, യുപിഐ പേയ്മെന്റ്സ്, അക്ഷയകേന്ദ്രം, ജനസേവന കേന്ദ്രം മുഖേനയോ ബില്ലുകൾ അടയ്ക്കാം. ഫോൺ നമ്പർ റജിസ്റ്റർ ചെയ്യാത്ത ഉപഭോക്താക്കൾ വെബ് പോർട്ടൽ സന്ദർശിച്ച് ഫോൺ നമ്പർ റജിസ്റ്റർ ചെയ്യണം.
തീയതി നീട്ടി
കൽപറ്റ ∙ സ്കോൾ കേരള മുഖേന ഹയർ സെക്കൻഡറി കോഴ്സ് രണ്ടാം വർഷ പ്രവേശനം, പുനഃപ്രവേശനം നേടാൻ ആഗ്രഹിക്കുന്ന വിദ്യാർഥികൾക്ക് ജൂലൈ 5 വരെ ഓൺലൈനായി റജിസ്റ്റർ ചെയ്യാം. റജിസ്ട്രേഷൻ മാർഗ നിർദേശങ്ങൾ www.scolekerala.org എന്ന വെബ്സൈറ്റിൽ ലഭിക്കും. ഓൺലൈനായി റജിസ്റ്റർ ചെയ്ത അപേക്ഷയുടെ പ്രിന്റൗട്ടും, അനുബന്ധ രേഖകകളും ജൂലൈ 8 ന് വൈകിട്ട് 5 ന് മുൻപ് സ്കോൾ കേരളയുടെ സംസ്ഥാന ഓഫിസിൽ ലഭിക്കണം.
നിയമനം
കണിയാമ്പറ്റ ∙ വനിതാ ശിശു വികസന വകുപ്പിന് കീഴിൽ പളളിയറയിൽ പ്രവർത്തിക്കുന്ന ഗവ. ചിൽഡ്രൻസ് ഹോമിൽ ഒരു വർഷത്തേക്ക് കരാർ അടിസ്ഥാനത്തിൽ മൾട്ടി ടാസ്ക് കെയർ പ്രൊവൈഡറെ നിയമിക്കുന്നതിന് കൂടിക്കാഴ്ച 29ന് രാവിലെ 10ന്. 04936 286900.