വർഷങ്ങളായി യാത്രാസൗകര്യമില്ലാതെ 6 കുടുംബങ്ങൾ; എവിടെ വഴി ?

മണിയങ്കോട് ∙ വർഷങ്ങളായി യാത്രാസൗകര്യമില്ലാതെ 6 കുടുംബങ്ങൾ ബുദ്ധിമുട്ടുകയാണ്. കൽപറ്റ നഗരസഭയുടെയും വെങ്ങപ്പള്ളി പഞ്ചായത്തിന്റെയും അതിർത്തി പങ്കിടുന്ന വെങ്ങപ്പള്ളി പഞ്ചായത്ത് ആറാം വാർഡ് പൊന്നടയ്ക്കടുത്ത ചിറക്കൽ വീട് ഭാഗത്തെ കുടുംബങ്ങളാണ് പെരുവഴിയിൽ. പ്രദേശത്തേക്കുളള 500 മീറ്ററോളം വഴിയിൽ 200 മീറ്ററോളം 3 മീറ്റർ വീതിയുള്ള  പാതയും 300 മീറ്ററോളം വയൽ വരമ്പുമാണ്. 

മഴക്കാലമായതോടെ കാൽനട യാത്ര പോലും സാധിക്കാത്ത വിധമാണ്. അസുഖമായവരെ പൊന്നട റോഡു വരെ എടുത്തു കൊണ്ടുവരാൻ പോലും കഴിയില്ല. നടപ്പാത ലഭ്യമാക്കാൻ അധികൃതർ ഇടപെടണമെന്നാണ് കുടുംബങ്ങളുടെ ആവശ്യം.