നെയ്ക്കുപ്പയിൽ ചെന്നായ്ക്കളുടെ ആക്രമണത്തിൽ മാൻ ചത്തു

പനമരം∙ നെയ്ക്കുപ്പ മേലെ കോളനിക്ക് സമീപം വനാതിർത്തിയിൽ ചെന്നായ്ക്കൾ ഭക്ഷിച്ച നിലയിൽ മാനിന്റെ ജഡം കണ്ടെത്തി. വെള്ളി വൈകിട്ട് 6 മണിയോടെ മാനിന്റെ കരച്ചിൽ കേട്ടെത്തിയ കോളനിക്കാരെ കണ്ട് ചെന്നായ്ക്കൾ കാട്ടിലേക്ക് ഓടി മറഞ്ഞു. തുടർന്നു നടത്തിയ പരിശോധനയിലാണു നിമിഷ നേരം കൊണ്ടു പകുതിയിലേറെ ഭക്ഷിച്ച നിലയിൽ മാനിന്റെ ജഡം കണ്ടെത്തിത്. കോളനിക്കാർ അറിയിച്ചതിനെ തുടർന്നു വനം വകുപ്പ് അധികൃതർ സ്ഥലത്തെത്തി മേൽ നടപടികൾ സ്വീകരിച്ചു. നെയ്ക്കുപ്പ ഭാഗത്ത് കാട്ടാന, പന്നി എന്നിവയ്ക്ക് പുറമേ ചെന്നായ്ക്കളുടെ ശല്യവും രൂക്ഷമാകുകയാണ്.