വയനാട് ജില്ലയിൽ ഇന്ന് (06-12-2022); അറിയാൻ, ഓർക്കാൻ
Mail This Article
അധ്യാപക നിയമനം
കല്ലൂർ ∙ ഗവ. ഹയർസെക്കൻഡറി സ്കൂളിൽ ഹൈസ്കൂൾ വിഭാഗത്തിൽ നിലവിലുള്ള എച്ച്എസ്ടി നാച്ചുറൽ സയൻസ് ഒഴിവിലേക്കു നടത്തുന്ന അധ്യാപക കൂടിക്കാഴ്ച നാളെ രാവിലെ 11ന് സ്കൂൾ ഒാഫിസിൽ നടക്കും.
സീനിയർ റസിഡന്റ്
മാനന്തവാടി ∙ വയനാട് മെഡിക്കൽ കോളജിൽ വിവിധ വിഭാഗത്തിൽ സീനിയർ റസിഡന്റുമാരുടെ താൽക്കാലിക നിയമനത്തിന് കൂടിക്കാഴ്ച 19ന് രാവിലെ 11ന്. എംബിബിഎസും എംഡി/എംഎസ്/ഡിഎൻബി, ടിസിഎംസി റജിസ്ട്രേഷനുള്ള ഡോക്ടർമാർക്ക് പങ്കെടുക്കാം. ഇവരുടെ അഭാവത്തിൽ ഡിപ്ലോമക്കാരെയും പരിഗണിക്കും. 04935 299424.
താൽക്കാലിക നിയമനം
കൽപറ്റ ∙ ജില്ലാ ആയുർവേദ ആശുപത്രിയിൽ ലാബ് ടെക്നിഷ്യൻ, സ്വീപ്പർ തസ്തികകളിൽ താൽക്കാലിക നിയമനത്തിന് കൂടിക്കാഴ്ച യഥാക്രമം 8നു രാവിലെ 10.30, 11.30എന്നിങ്ങനെ നടത്തും.
കൂടിക്കാഴ്ച 8ന്
മാനന്തവാടി ∙ ഗവ.ടെക്നിക്കൽ ഹൈസ്കൂളിൽ വർക് ഷോപ് ഇൻസ്ട്രക്ടർ (മെക്കാനിക്കൽ) താൽക്കാലിക നിയമനത്തിനുള്ള കൂടിക്കാഴ്ച 8ന് രാവിലെ 11ന്. 04935 295 068.
കൂടിക്കാഴ്ച 26ന്
കോട്ടത്തറ ∙ പഞ്ചായത്ത് ഓഫിസിൽ കരാർ വ്യവസ്ഥയിൽ പ്രോജക്ട് അസിസ്റ്റന്റ് നിയമനത്തിനുള്ള കൂടിക്കാഴ്ച 26നു രാവിലെ 11.30ന്. അപേക്ഷകൾ kottsthsrsgp @gmail.com എന്ന ഇമെയിൽ വിലാസത്തിൽ 23 വരെ സ്വീകരിക്കും. 04936 286644.
അങ്കണവാടി നിയമനം
പനമരം ∙ ഐസിഡിഎസ് പ്രോജക്ട് പരിധിയിലെ പനമരം, കണിയാമ്പറ്റ തദ്ദേശ സ്വയംഭരണ സ്ഥാപനങ്ങളിലെ അങ്കണവാടി വർക്കർ/ഹെൽപർ തസ്തികകളിലേക്ക് അടുത്ത 3 വർഷത്തെ പ്രതീക്ഷിത ഒഴിവുകളിലേക്ക് അപേക്ഷ ക്ഷണിച്ചു. 04935 220282.