ബത്തേരി ∙ ടൗണിലെ ഇലക്ട്രിക്കൽ ഷോപ്പിലെ പൈപ്പുകൾക്കിടയിൽ നിന്നു പെരുമ്പാമ്പിൻ കുഞ്ഞിനെ പിടികൂടി. ഇന്നലെ ഉച്ചയ്ക്ക് കക്കോടൻ പമ്പിന് സമീപമുള്ള ന്യൂ ഭാരത് സ്ഥാപനത്തിലാണു പാമ്പിനെ കണ്ടത്. വിൽപനയ്ക്ക് വച്ചിരുന്ന ജലസംഭരണി എടുക്കുന്നതിനിടെയാണു പെരുമ്പാമ്പിന്റെ കുഞ്ഞിനെ കണ്ടത്. ഒരു മീറ്റർ നീളമുണ്ട്. പാമ്പു പിടിത്ത വിദഗ്ധൻ ഉസ്മാൻ ബത്തേരി സ്ഥലത്തെത്തി പാമ്പിനെ പിടികൂടി വനംവകുപ്പിനു കൈമാറി.