കൽപറ്റ ∙ കെഎസ്ആർടിസി കൽപറ്റയിൽ നിന്ന് തലശ്ശേരിയിലേക്കുള്ള ലിമിറ്റഡ് സ്റ്റോപ്പ് ബസ് സർവീസ് പുനരാരംഭിച്ചു. പുലർച്ചെ 5.15ന് കൽപറ്റയിൽ നിന്ന് പുറപ്പെട്ടു പടിഞ്ഞാറത്തറ, നിരവിൽപുഴ, തൊട്ടിൽപാലം വഴി തലശ്ശേരിയിലേക്കും ഉച്ചയ്ക്ക് 2ന് തലശ്ശേരിയിൽ നിന്നു നെടുംപൊയിൽ, മാനന്തവാടി വഴി കൽപറ്റയിലേക്കുമാണു സർവീസ്. മുൻപുണ്ടായിരുന്ന സർവീസ് കോവിഡ് പശ്ചാത്തലത്തിൽ നിർത്തിയതായിരുന്നു. സർവീസ് പുനരാരംഭിക്കണമെന്ന് ആവശ്യപ്പെട്ട് ടി.സിദ്ദീഖിന്റെ നേതൃത്വത്തിൽ ഗതാഗത മന്ത്രിക്കു നിവേദനം നൽകിയിരുന്നു. സർവീസ് ടി.സിദ്ദീഖ് എംഎൽഎ ഫ്ലാഗ് ഓഫ് ചെയ്തു.