നടപ്പാലം അപകട ഭീഷണിയിൽ

മാനന്തവാടി ∙ തവിഞ്ഞാൽ പഞ്ചായത്തിലെ വാളാട് വട്ടോളി വെണ്ണോറയിൽ നാട്ടുകാർ തെങ്ങുതടിയിൽ തീ൪ത്ത താൽക്കാലിക പാലമാണ് കാലപ്പഴക്കത്താൽ ജീർണിച്ച് അപകടാവസ്ഥയിൽ. ഇവിടെ കോൺക്രീറ്റ് പാലം നിർമിക്കാൻ   5 കോടി രൂപ അനുവദിച്ചതായി 2021ൽ ഒ.ആർ. കേളു എംഎൽഎ അറിയിച്ചിരുന്നു.  6 മാസം മുൻപ് പൊതുമരാമത്ത് അധികൃതർ സ്ഥലപരിശോധന നടത്തിയെങ്കിലും തുടർനടപടികളില്ല. നടക്കാൻ മാത്രമായി ഉണ്ടാക്കിയ താൽക്കാലിക പാലമാണെങ്കിലും ഇരുചക്ര വാഹനങ്ങളും പോകുന്നുണ്ട്. പാലം എത്രയും വേഗം പുതുക്കിപ്പണിയണം എന്നാണ് നാട്ടുകാരുടെ ആവശ്യം.