വയലിലെ ചേറിൽപൂണ്ട് കാട്ടാന ചരിഞ്ഞു

ഗൂഡല്ലൂർ ∙ തേൻവയലിൽ സ്വകാര്യ വ്യക്തിയുടെ വയലിലെ ചേറിൽ പൂണ്ട് കാട്ടാന ചരിഞ്ഞു. ഇന്നലെ പുലർച്ചെ എത്തിയ കാട്ടാനയാണ് വയലിലെ ചേറിൽ പുതഞ്ഞുപോയത്. മുൻകാലുകൾ ചേറിൽ പുതഞ്ഞ് പിന്നാലെ തുമ്പിക്കൈ ചേറിൽ ആഴ്ന്നിറങ്ങിയതോടെ ശ്വാസം കിട്ടാതെയാണ് ആന ചരിഞ്ഞത്. രാവിലെ പതിനെ‍ാന്നോടെ നാട്ടുകാർ കണ്ടെത്തിയ കാട്ടാനയ്ക്ക് 15 വയസ്സ് പ്രായമുള്ളതായി വനംവകുപ്പ് അറിയിച്ചു. തേൻവയൽ ഭാഗത്ത് ഒരു മാസമായി കാട്ടാന ശല്യം രൂക്ഷമായിരുന്നു. മുതുമല കടുവാ സങ്കേതത്തിൽനിന്നു തൊറപ്പള്ളി വഴിയാണ് കാട്ടാനയെത്തിയത്.