കയറിച്ചെല്ലാൻ വീടില്ലാതെ സജിയും ഉഷാദേവിയും; ദുരന്തമുണ്ടാകുമ്പോൾ ഇരുവരും ആശുപത്രിയിൽ

മേപ്പാടി∙ ആശുപത്രിയിൽ നിന്ന് ചികിത്സ കഴിഞ്ഞ് മടങ്ങുമ്പോൾ കയറിച്ചെല്ലാൻ വീടില്ലാതെ സജിയും ഭാര്യ ഉഷാദേവിയും. സജിയുടെ ചികിത്സയ്ക്കു വേണ്ടി ഇരുവരും ഇക്കഴിഞ്ഞ ശനിയാഴ്ചയാണ് മേപ്പാടിയിലെ സ്വകാര്യ മെഡിക്കൽ കോളജ് ആശുപത്രിയിൽ എത്തിയത്. ഇന്നലെ ഡിസ്ചാർജ് ആയെങ്കിലും എങ്ങോട്ട് പോകണമെന്ന് അറിയാതെ കുഴങ്ങുകയാണു ഇരുവരും. മഴവെള്ളപ്പാച്ചിലിൽ പുഞ്ചിരിമട്ടത്തെ ഇവരുടെ വീട് പൂർണമായും ഒലിച്ചു പോയി. അവിടെ എന്താണുള്ളത് എന്നു പോലും അറിയാതെ പകച്ചു നിൽക്കുകയാണ് ഇവർ. കുട്ടികളും കുടുംബവും മറ്റൊരിടത്ത് ആയതിനാൽ അപകടത്തിൽ പെടാതെ രക്ഷപ്പെട്ടു.