വയനാട് ജില്ലയിൽ ഇന്ന് (12-03-2025); അറിയാൻ, ഓർക്കാൻ

വൈദ്യുതി മുടക്കം
വെള്ളമുണ്ട ∙ ഇന്ന്: പകൽ 8.30–5.30: കരിങ്ങാരി സ്‌കൂൾ, മഞ്ഞപ്പള്ളി.
പുൽപള്ളി ∙ നാളെ: പകൽ 9–5.30: പുൽപള്ളി ഇലക്ട്രിക്കൽ സെക്‌ഷൻ.

അദാലത്ത് 17ന്
പനമരം ∙ സബ് റജിസ്ട്രാർ ഓഫിസിൽ 1989 മുതൽ 2023 മാർച്ച് 31 വരെ റജിസ്റ്റർ ചെയ്ത ആധാരങ്ങളിൽ അണ്ടർവാലേഷ്വൻ നടപടി നേരിടുന്ന കേസുകൾ തീർപ്പാക്കാൻ അദാലത്ത് സംഘടിപ്പിക്കുന്നു. ജില്ലാ റജിസ്ട്രാറുടെ നേതൃത്വത്തിൽ 17 ന് രാവിലെ 10 മുതൽ നടക്കുന്ന അദാലത്തിൽ, കുറഞ്ഞ തുക അടച്ച് റവന്യു റിക്കവറി നടപടികളിൽ നിന്ന് ഒഴിവാകാമെന്ന് പനമരം സബ് റജിസ്ട്രാർ അറിയിച്ചു.

കൂടിക്കാഴ്ച 18ന്
കൽപറ്റ ∙ ബ്ലോക്ക് പഞ്ചായത്തിലെ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിലേക്ക് അക്കൗണ്ടന്റ് കം ഐടി അസിസ്റ്റന്റ് നിയമനത്തിനുള്ള കൂടിക്കാഴ്ച 18ന് രാവിലെ 10.30ന് ബ്ലോക്ക് പഞ്ചായത്ത് ഓഫിസിൽ. 04936 202035.

കൂടിക്കാഴ്ച 17ന്
നൂൽപുഴ ∙ കുടുംബാരോഗ്യ കേന്ദ്രത്തിൽ ടെക്‌നിക്കൽ അസിസ്റ്റന്റ്, കൗൺസിലർ, ലാബ് അസിസ്റ്റന്റ് തസ്തികകളിൽ നിയമനത്തിനുള്ള കൂടിക്കാഴ്ച 17ന് രാവിലെ 10ന്. നൂൽപുഴ പഞ്ചായത്തിൽ സ്ഥിരതാമസമുള്ളവർക്ക് മുൻഗണന. 04936 270604.

കൂടിക്കാഴ്ച 22 ന്
മാനന്തവാടി ∙ ജില്ലാ ഗവ.നഴ്‌സിങ് കോളജിൽ ട്യൂട്ടർ നിയമനത്തിനുള്ള കൂടിക്കാഴ്ച 22ന് രാവിലെ 11ന് പ്രിൻസിപ്പലിന്റെ ഓഫിസിൽ. 04935 299424.

കൂടിക്കാഴ്ച 14ന്
കൽപറ്റ ∙ സർവേയും ഭൂരേഖയും വകുപ്പ് ഡിജിറ്റൽ സർവേയുടെ ഭാഗമായി എംപ്ലോയ്‌മെന്റ് എക്‌സ്‌ചേഞ്ച് മുഖേന കോൺട്രാക്ട് സർവേയർ നിയമനത്തിനുള്ള കൂടിക്കാഴ്ച 14ന് രാവിലെ 10ന് സർവേ ഡപ്യൂട്ടി ഡയറക്ടറുടെ ഓഫിസിൽ. എംപ്ലോയ്‌മെന്റ് എക്‌സ്‌ചേഞ്ചിൽ നിന്നു കത്തുകൾ ലഭിച്ച ഉദ്യോഗാർഥികൾക്ക് പങ്കെടുക്കാം. 04936 202251.

ബിടെക് പരീക്ഷാ ഫലം
∙ ഏഴാം സെമസ്റ്റർ (2004 മുതൽ 2008 വരെ പ്രവേശനം) ബിടെക് ഏപ്രിൽ 2022 ഒറ്റത്തവണ റഗുലർ സപ്ലിമെന്ററി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 25 വരെ അപേക്ഷിക്കാം.

പരീക്ഷാഫലം
∙ സർവകലാശാലാ എൻജിനീയറിങ് കോളജിലെ ഏഴാം സെമസ്റ്റർ ബിടെക് (2019 പ്രവേശനം) നവംബർ 2023, (2020 പ്രവേശനം) ഏപ്രിൽ 2024, (2021 പ്രവേശനം) നവംബർ 2024 റഗുലർ / സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 25 വരെ അപേക്ഷിക്കാം.