കാട്ടാന ഗേറ്റ് പൊളിച്ചിട്ട് ഒരു വർഷം; ഇനിയും നന്നാക്കാൻ നടപടിയില്ല

ബത്തേരി ∙ മുണ്ടക്കൊല്ലിയിൽ ജനവാസ കേന്ദ്രത്തിൽ നിന്ന് വനപാതയിലേക്കുള്ള ഗേറ്റ് കാട്ടാന തകർത്ത് ഒരു വർഷം കഴിഞ്ഞിട്ടും നന്നാക്കാൻ നടപടികളില്ല. വനാതിർത്തിയിൽ ഗേറ്റ് ഇല്ലാത്തതിനാൽ ഇതിലെ വന്യജീവികൾ നാട്ടിലേക്കിറങ്ങുകയാണ്. മുണ്ടക്കൊല്ലി, കണ്ടർമല, വല്ലത്തൂർ, പഴൂർ, കുടുക്കി, ചീരാൽ എന്നിവിടങ്ങളെല്ലാം വന്യജീവി ശല്യത്താൽ പൊറുതി മുട്ടുന്ന പ്രദേശങ്ങളാണ്. അതിനിടെയാണ് കൂനിൻമേൽ കുരുവെന്ന പോലെ ഗേറ്റ് പൊളിഞ്ഞു കിടക്കുന്നത്. ഫലപ്രദമായ പ്രതിരോധ സംവിധാനം വേണമെന്നാണ് ആവശ്യം.