സഹോദരിമാർക്ക് എല്ലാ വിഷയങ്ങൾക്കും എ വൺ ; വീടിനും സ്കൂളിനും ഇരട്ടി മധുരം സമ്മാനിച്ച് നന്ദനയും കീർത്തനയും

പള്ളിക്കത്തോട് ∙ സിബി എസ്ഇ 10, 12 ക്ലാസുകളിലെ പരീക്ഷാഫലം ഒരേ ദിവസം വന്നപ്പോൾ ആനിക്കാട് പറപ്പള്ളിൽ വീട്ടിലേക്ക് ഇരട്ടിമധുരം. സഹോദരിമാരും അരവിന്ദ വിദ്യാമന്ദിരം സീനിയർ‌ സെക്കൻഡറി സ്കൂളിലെ വിദ്യാർഥികളുമായ നന്ദന ജി.പിള്ള 12–ാം ക്ലാസിലും കീർത്തന ജി.പിള്ള 10–ാം ക്ലാസിലും എല്ലാ വിഷയങ്ങൾക്കും എ വൺ നേടി സ്കൂളിനും വീടിനും ഇരട്ടി സന്തോഷം സമ്മാനിച്ചു.

നന്ദന 96.4 ശതമാനവും കീർത്തന 97.2 ശതമാനവും മാർക്ക് നേടി. പൊതുമരാമത്ത് ഉദ്യോഗസ്ഥനായ പി.എസ്.ഗോപകുമാർ – മഞ്ജു പി.ചന്ദ്രൻ ദമ്പതികളുടെ മക്കളാണ്. മികച്ച വിജയം നേടിയ സഹോദരിമാരെ അരവിന്ദ ചാരിറ്റബിൾ സൊസൈറ്റി പ്രസിഡന്റ് ബി.അനിൽകുമാർ, പ്രിൻസിപ്പൽ ആർ.സി.കവിത എന്നിവരുടെ നേതൃത്വത്തിൽ അനുമോദിച്ചു.

Content Summary : Siblings got full a one in cbse examination 10t and plus two respectively