യുവശാസ്ത്രജ്ഞ പുരസ്കാരം 6 പേർക്ക്; ജേതാക്കൾ തിരഞ്ഞെടുക്കുന്ന പ്രോജക്ടുകൾക്ക് 50 ലക്ഷം രൂപയുടെ ധനസഹായം

തിരുവനന്തപുരം∙ ശാസ്ത്രസാങ്കേതിക മേഖലകളിൽ ശ്രദ്ധേയമായ നേട്ടങ്ങൾ കൈവരിച്ച 6 പേർക്ക് ശാസ്ത്രസാങ്കേതിക പരിസ്ഥിതി കൗൺസിലിന്റെ ‘യുവശാസ്ത്രജ്ഞ പുരസ്കാരം’ (50,000 രൂപ വീതം) പ്രഖ്യാപിച്ചു.

ഡോ.അച്ചു ചന്ദ്രൻ (സിഎസ്ഐആർ–നിസ്റ്റ് തിരുവനന്തപുരം ), ഡോ.കെ.എം.അമ്പിളി (വിക്രം സാരാഭായ് സ്പേസ് സെന്റർ തിരുവനന്തപുരം ), ഡോ.ആൻജിനേയലു കൊത്തകോട്ട (സിഎസ്ഐആർ– നിസ്റ്റ്, തിരുവനന്തപുരം ), ഡോ.അരവിന്ദ് മാധവൻ (സ്കൂൾ ഓഫ് ബയോടെക്നോളജി, അമൃത വിശ്വ വിദ്യാപീഠം, കൊല്ലം ), ഡോ.ആർ.ധന്യ (രാജീവ്ഗാന്ധി സെന്റർ ഫോർ ബയോടെക്നോളജി, തിരുവനന്തപുരം ), ഡോ. നോയൽ ജേക്കബ് കളീക്കൽ (നാഷനൽ ഇൻസ്റ്റിറ്റ്യൂട്ട് ഓഫ് ടെക്നോളജി, കോഴിക്കോട്) എന്നിവർക്കാണ് പുരസ്കാരം.

ഫെബ്രുവരി 12ന് കുട്ടിക്കാനം മാർ ബസേലിയോസ് ക്രിസ്ത്യൻ എൻജിനീയറിങ് കോളജിൽ നടക്കുന്ന ചടങ്ങിൽ മുഖ്യമന്ത്രി പിണറായി വിജയൻ പുരസ്കാരങ്ങൾ സമ്മാനിക്കും. ജേതാക്കൾ തിരഞ്ഞെടുക്കുന്ന പ്രോജക്ടുകൾക്ക് 50 ലക്ഷം രൂപയുടെ ധനസഹായം ലഭിക്കും. രാജ്യാന്തര തലത്തിൽ സംഘടിപ്പിക്കുന്ന ശാസ്ത്ര സമ്മേളനത്തിൽ പങ്കെടുക്കുന്നതിനുള്ള യാത്രാസഹായവും ലഭിക്കും.

Content Summary :  Six people got Young Scientist Awards