കോർപറേറ്റ് ജോലി വിട്ട് സിവിൽ സർവീസ് പരിശീലനം; ഒന്നാം റാങ്ക് നേടി ഇഷിത

മനോരമ ലേഖകൻ May 24, 2023 08:05 AM IST

ന്യൂഡൽഹി ∙ സിവിൽ സർവീസ് പരീക്ഷയിൽ ഒന്നാം റാങ്ക് നേടിയ ഇഷിത കിഷോർ ഗ്രേറ്റർ നോയിഡ സ്വദേശിയാണ്. ഡൽഹി സർവകലാശാലയിലെ ശ്രീറാം കോളജ് ഓഫ് കൊമേഴ്സിൽനിന്നാണു ബിരുദം നേടിയത്. സ്വകാര്യ സ്ഥാപനത്തിൽ ജോലി ചെയ്ത ശേഷമാണു സിവിൽ സർവീസ് പരീക്ഷയ്ക്കു തയാറെടുപ്പ് ആരംഭിച്ചത്.

രണ്ടാം റാങ്ക് നേടിയ ഗരിമ ലോഹ്യ ഡൽഹി സർവകലാശാലയിലെ കിരോരിമാൽ കോളജിൽനിന്നാണു ബിരുദം നേടിയത്. മൂന്നാം റാങ്കുകാരി ഉമാ ഹരതി ഹൈദരാബാദ് ഐഐടിയിൽനിന്നു സിവിൽ എൻജിനീയറിങ്ങിൽ ബിരുദം നേടി. നാലാം റാങ്ക് നേടിയ സ്മൃതി മിശ്ര ഡൽഹി സർവകലാശാലയിലെ മിറാൻഡ ഹൗസ് കോളജിൽനിന്നാണു ബിരുദമെടുത്തത്.

Content Summary : UPSC topper Ishita Kishore left her corporate career to prepare for Civil Services Exam

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.