കോട്ടയം കോളജുകളിൽ സിഎംഎസ് മുന്നിൽ

കോട്ടയം ∙ കലോത്സവത്തിൽ കോട്ടയം കോളജുകളിൽ മുന്നിലെത്തിയത് സിഎംഎസ്. ഓവറോൾ പട്ടികയിൽ 40 പോയിന്റുമായി കോളജുകളിൽ അഞ്ചാമതാണ് കോട്ടയം സിഎംഎസ്. പങ്കെടുത്ത 6 ഗ്രൂപ്പ് മത്സരങ്ങളിൽ ജയിച്ചു. അവസാന മത്സരമായ മാർഗംകളിയിൽ ലഭിച്ച രണ്ടാം സ്ഥാനമാണ് പോയിന്റ് പട്ടികയിൽ ഉയർത്തിയത്.6 വ്യക്തിഗത ഇനങ്ങളിലും മികച്ച വിജയം നേടി. കലാപ്രതിഭ പട്ടത്തിലേക്കുള്ള ഇഞ്ചോടിഞ്ച് പോരാട്ടത്തിൽ കോളജിലെ ആർ.അനന്തലക്ഷ്മി അവസാന റൗണ്ടിലാണു പിന്തള്ളപ്പെട്ടുപോയത്. കലോത്സവത്തിന്റെ ഉദ്ഘാടന കലാജാഥയിലും സിഎംഎസ് ഒന്നാം സ്ഥാനം നേടിയിരുന്നു.